SINA AFP Chief of Staff General Romeo S Brawner Jr., Cong. Ferdinand Alexander A. Marcos, AFP Medical Center Commander Brigadier General Erickson L. Gob, Engr. Johnny L. Protesta Jr. at iba pang opisyal ng AFP sa isinagawang pagpapasinaya ng bagong Multi-Purpose Building ng AFP Medical Center sa Camp Victoriano Luna, Quezon City.
PORMAL na pinasinayaan ng Armed Forces of the Philippines (AFP) ang bagong Multi-Purpose Building ng AFP Medical Center sa Camp Victoriano Luna sa Quezon City bilang bahagi ng pagpapalawak at pagpapalakas ng healthcare services para sa mga sundalo, beterano at kanilang mga dependents.
Pinangunahan ang pagpapasinaya ni Pangulong Ferdinand Marcos Jr. kasama sina AFP Chief of Staff General Romeo S. Brawner Jr. at AFP Medical Center Commander Brigadier General Erickson L. Gob.
Ayon kay AFP Public Affairs Office chief Col. Xerxes Trinidad, ipinakita ng okasyon ang matibay na suporta ng pamahalaan sa pagpapabuti ng medical infrastructure para sa mga miyembro ng AFP.
“The ceremony underscored the strong government support for the improvement of medical infrastructure for AFP personnel, veterans, and their dependents,” ani Trinidad.
Inaasahang mapalalakas ng bagong pasilidad ang kakayahan ng AFP Medical Center na maghatid ng mas episyente at de-kalidad na serbisyong pangkalusugan.
Makakatulong din ito sa pagpapanatili ng kalusugan at kahandaan ng mga uniformed personnel sa pagtupad ng kanilang mga tungkulin.
“It also reflects the AFP’s continued commitment to infrastructure development and comprehensive care for personnel,” dagdag ni Trinidad.
(JESSE RUIZ)
101 
